Category Archives: Уписи

Запишување на докторски студии

Пријавувањето за запишување на трет циклус студии – докторски студии се врши во службата за студентски прашања на единицата организатор на студиската програма.

Кандидатите потребно е да ја достават целокупната документација согласно условите и критериумите утврдени со официјалниот Конкурс за запишување на трет циклус студии.

Потребни документи за пријавување

При пријавувањето за запишување на студиска програма од трет циклус – докторски студии, кандидатите ги поднесуваат следниве документи во оригинал или фотокопија заверена на нотар:

1. Пријавен лист со назначување на избраната студиска програма за која кандидатот конкурира.
2. Првична согласност од ментор од листата на ментори.
3. Писмо за мотивација со назначување на областа на истражување.
4. Кратка биографија (CV).
5. Уверение за положени испити од прв циклус студии, односно од додипломски студии.
6. Уверение за положени испити од втор циклус студии, односно од постдипломски студии.
7. Диплома од прв циклус студии, односно од додипломски студии.
8. Диплома од втор циклус студии, односно од постдипломски студии.
9. Сертификат или уверение за познавање на англиски јазик.
10. Нострифицирани документи, за кандидатите кои претходното високо образование го завршиле во странство.

Познавање на англиски јазик

Познавањето на англиски јазик се докажува со соодветно уверение, сертификат или друг документ, согласно условите утврдени со Конкурсот.

Како доказ може да се приложи:

• уверение или сертификат издаден од Филолошкиот факултет „Блаже Конески“ во Скопје при Универзитетот „Св. Кирил и Методиј“ во Скопје, за ниво Б2 според Европската јазична рамка на Советот на Европа;
• меѓународен сертификат за истото ниво, издаден од официјален европски тестатор утврден со Конкурсот; или
• диплома за претходно стекнато образование од прв и/или втор циклус, доколку студиската програма се изведувала на англиски јазик.

Кандидати со образование стекнато во странство

Кандидатите кои првиот и/или вториот циклус на високо образование го завршиле во странство, потребно е да достават нострифицирани документи со кои се докажува исполнетоста на условите за запишување на трет циклус студии.

Доколку системот на оценување се разликува од системот во Република Северна Македонија, потребно е да се достави и соодветна еквиваленција на оценките, согласно важечките прописи и условите од Конкурсот.

Избор на кандидатите

По завршувањето на постапката за пријавување, за секоја студиска програма се утврдува и објавува:

• прелиминарна листа на примени кандидати;
• посебна листа на кандидати кои не ги исполнуваат условите за запишување.

Листите се објавуваат на веб-страницата на соодветната единица.

Кандидатите имаат право на приговор на објавената листа, кој се поднесува во писмена форма до советот на студиската програма, односно советот на заедничката студиска програма.

По завршувањето на постапката по евентуалните приговори, се утврдува конечната листа на примени кандидати, која се објавува согласно постапката утврдена со Конкурсот.

Запишување на примените кандидати

При запишувањето, примените кандидати во единицата на која припаѓа избраната студиска програма ги доставуваат следниве документи:

1. Индекс и пријавни листови.
2. Три фотографии – две фотографии со димензии 3,5 × 4,5 см и една фотографија со димензии 2 × 3 см.
3. Конечна согласност од менторот.
4. Пријава за избор на предмети од академска обука.
5. Договор за студирање.
6. Потврда за уплатена прва рата од школарината.
7. Потврда за уплата на износ од 7 % од школарината на студиската програма, во денарска противвредност, на Универзитетската школа за докторски студии.
8. Образец за согласност на студентот за електронска комуникација.

Школарина

Школарината се плаќа во 6 еднакви рати, на почетокот на секој семестар, во денарска противвредност.

Уплатата се врши на сметката на единицата со која студентот склучил договор за студирање.

При уплатата на првата рата, примените кандидати вршат и дополнителна уплата во износ од 7 % од школарината на студиската програма, во денарска противвредност, на сметката на Универзитетската школа за докторски студии при Универзитетот „Св. Кирил и Методиј“ во Скопје.

Податоци за уплата на 7 % од школарината

• Сметка: 160 010 3689 788 18
• Приходна шифра и програма: 723012 41
• Банка на примач: Народна банка на Република Северна Македонија

Важни информации

• Пријавувањето и запишувањето се вршат согласно условите утврдени со официјалниот Конкурс.
• Кандидатите треба навремено да ја подготват и достават целокупната потребна документација.
• Прелиминарните и конечните листи на кандидати се објавуваат согласно постапката утврдена со Конкурсот.
• Кандидатите имаат право на приговор во согласност со утврдената постапка.
• За дополнителни информации, кандидатите треба да ги следат известувањата објавени од Универзитетот и единицата организатор на студиската програма.

Контакт

Универзитетска школа за докторски студии
Универзитет „Св. Кирил и Методиј“ во Скопје

Адреса: Бул. „Гоце Делчев“ бр. 9, 1000 Скопје
Електронска адреса: skola_za_ds@ukim.edu.mk

Информации за условите, постапката и актуелниот Конкурс за запишување се објавуваат на официјалните веб-страници на Универзитетот и надлежните единици.

Запишување на магистерски студии

Доколку сте заинтересирани за запишување на втор циклус студии на Технолошко-металуршкиот факултет – Скопје, пред пријавувањето во роковите утврдени со официјалниот Конкурс, потребно е да се регистрирате на платформата www.upisi.ukim.mk и да ја пополните електронската пријава преку iKnow-системот.

По успешно пополнување на електронската пријава, кандидатот добива број од системот за електронско пријавување. Добиениот број задолжително треба да се внесе и во пријавата што се поднесува при пријавувањето за запишување.

Потребни документи за пријавување

При пријавувањето за запишување на втор циклус студии, кандидатите ги поднесуваат следниве документи:

1. Пријавен лист за запишување.
2. Електронска пријава генерирана преку iKnow-системот на www.upisi.ukim.mk.
3. Оригинален документ за завршен прв циклус студии – диплома или уверение.
4. Кандидатите кои првиот циклус студии го завршиле во странство треба да достават и решение за нострификација на документите за завршено образование, издадено од Министерството за образование и наука на Република Северна Македонија.

4. Куса биографија (CV).
5. Потврда за активно познавање на странски јазик.
6. Потврда за уплатена административна такса во износ од 50,00 денари.
7. Препораки од наставни или научни работници, доколку кандидатот располага со такви.
8. Список на стручни или научни трудови и примероци од нив, доколку кандидатот има објавени трудови.
9. Документи за евентуални награди, признанија и други релевантни документи, доколку кандидатот располага со нив.

Уплата на административна такса

Административната такса изнесува 50,00 денари.

Образец: ПП 50

• Назив на примач: Трезорска сметка – Скопје
• Банка на примач: НБРСМ
• Трансакциска сметка: 100-0000000-630-95
• Уплатна сметка: 840-ХХХ-03161
• Конто: 722313 00

Начин на пријавување

Пред пријавувањето, кандидатите задолжително треба:

1. да се регистрираат на www.upisi.ukim.mk;
2. да ја пополнат електронската пријава преку iKnow-системот;
3. да го зачуваат бројот добиен од системот;
4. да ја испечатат потребната електронска пријава;
5. да ја подготват целокупната потребна документација;
6. да ја поднесат документацијата во службата за студентски прашања на Технолошко-металуршкиот факултет – Скопје, во роковите утврдени со официјалниот Конкурс.

По успешно поднесување на електронската пријава, кандидатите задолжително добиваат автоматска потврда дека електронската пошта е примена и дека пријавата е уредно поднесена.

Факултетот дополнително ги објавува роковите во кои кандидатите треба да ги достават оригиналните документи за пријавување и запишување.

Запишување на примените кандидати

По објавувањето на конечните резултати, примените кандидати пристапуваат кон запишување во роковите утврдени со официјалниот Конкурс.

При запишувањето, кандидатите поднесуваат:

1. Индекс и пријавни листови.
2. Две фотографии со димензии 3,5 × 4,5 см.

При запишувањето, кандидатите се должни да ги достават и другите документи и докази предвидени со актуелниот Конкурс и со упатствата на Факултетот.

Важни информации

• Регистрацијата и електронското пријавување се вршат преку www.upisi.ukim.mk.
• Кандидатите треба внимателно да ги внесат и проверат сите податоци во електронската пријава.
• Бројот добиен при електронското пријавување задолжително се внесува во пријавата за запишување.
• Документите треба да бидат целосни и подготвени согласно условите од актуелниот Конкурс.
• Кандидатите кои дипломата ја стекнале во странство треба навремено да ја обезбедат потребната нострификација.
• Роковите за пријавување, доставување документи и запишување се определуваат со актуелниот Конкурс и ќе бидат објавени на веб-страницата на Факултетот.

Каде се поднесуваат документите?

Документите се поднесуваат во:

Служба за студентски прашања
Технолошко-металуршки факултет – Скопје

Кандидатите треба да ги следат официјалните известувања на Факултетот за тековните рокови, услови и начинот на реализација на уписот.

Запишување студенти во
прва година – учебна 2026/2027 година

Технолошко-металуршки факултет – Скопје

Почитувани идни студенти,

Доколку сте заинтересирани за запишување на прв циклус студии на Технолошко-металуршкиот факултет – Скопје, пред пријавувањето во роковите утврдени со Конкурсот, потребно е да се регистрирате на платформата www.upisi.ukim.mk и да ја пополните електронската пријава преку iKnow-системот.

По успешно пополнување на електронската пријава, кандидатот добива број од системот за електронско пријавување. Добиениот број задолжително треба да се внесе и во пријавата што се поднесува при пријавувањето.

Потребни документи за конкурирање

При пријавувањето за запишување во прва година, кандидатите треба да ги поднесат следниве документи:

1. Пријавен лист за конкурирање А-1 – се набавува во фотокопирницата на Факултетот или во книжарница.
2. Електронска пријава генерирана од iKnow-системот – интерен пријавен лист и универзитетски пријавен лист, кои се печатат од системот и се потпишуваат.
3. Оригинални свидетелства за сите години од средното образование.
4. Оригинален документ за завршено средно образование, односно свидетелство/документ за положена државна матура.
5. Извод од матичната книга на родените – оригинал.
6. Доказ за државјанство на Република Северна Македонија – уверение или решение, во оригинал.
7. Доказ за уплатена административна такса од 50,00 денари.
8. Доказ за уплатени 300,00 денари на жиро-сметката на Технолошко-металуршкиот факултет.
9. Копии од документите – свидетелствата од прва до четврта година, дипломата/документот за завршено средно образование, изводот од матичната книга на родените и доказот за државјанство.

Дополнителен документ за вонредни студенти

Кандидатите кои се пријавуваат како вонредни студенти, покрај наведените документи, треба да поднесат и документ со кој се потврдува основата за вонредно студирање:

• образец М1/М2, или
• лекарско уверение издадено од Студентската поликлиника при Универзитетот „Св. Кирил и Методиј“ – Скопје.

Начин на пријавување

Пред пријавувањето, кандидатите задолжително треба:

1. да се регистрираат на www.upisi.ukim.mk;
2. да ја пополнат електронската пријава преку iKnow-системот;
3. да го запишат/зачуваат бројот добиен по електронското пријавување;
4. да ги испечатат потребните електронски пријави;
5. да ја подготват целокупната документација;
6. да ја поднесат документацијата во Одделението за студентски прашања на Технолошко-металуршкиот факултет – Скопје, во роковите утврдени со Конкурсот.

Уплати

Административна такса – 50,00 денари

Образец: ПП 50

• Назив на примач: Трезорска сметка – Скопје
• Банка на примач: НБРСМ
• Трансакциска сметка: 100-0000000-630-95
• Уплатна сметка: 840-XXX-03161
• Конто: 722313 00

Уплата на Технолошко-металуршки факултет – 300,00 денари

• Број на сметка: 100000000063095
• Буџетски корисник: 1600103360 788 16
• Приходна шифра и програма: 723012 41

Каде се поднесуваат документите?

Документите се поднесуваат во:

Одделение за студентски прашања при Технолошко-металуршки факултет – Скопје

Кандидатите се должни да ја поднесат комплетната документација во роковите утврдени со официјалниот Конкурс за запишување студенти во прва година.

Рокови

Важни информации

• Пред пријавувањето, задолжително извршете електронска регистрација на www.upisi.ukim.mk.
• Проверете дали сите податоци внесени во електронската пријава се точни.
• Електронските пријави потребно е да се испечатат и потпишат.
• При поднесувањето, потребно е да се приложат оригиналите и бараните копии од документите.
• Кандидатите треба да ги следат официјалните рокови и известувања објавени од Универзитетот и Технолошко-металуршкиот факултет.